ثورة يــــا ثورة التحرير ** فــــــي أول نوفمبر 1954 بدات
بدينــــا الحرب و ربي كبير ** لتحيى الجزائر بالممات او بالحيـــــات
خرجنا فـــــي وقت صعب و خطير ** مشينا على الإقدام حتى للغابات
لا زد لا سلـــــح كثير ** توكلوا عــــــلى الرب العليم بالقدرات
مئة و ثلثين عام سترة كثير هما سكنيين الفيلات و حنا فالخيمات
الثلــــــج البرد و المطر غزير ** و شحال فاتت علينــــا من زرات
كوتنا فرنسا و جرحتنا جرح خطير ** و ما زالت باقيا المرات
فرنســــــا عنينـــــــا معها الكثير ** عمرنــــا لا ننسى هذي المصات
المستعمر غاني و الجزائري فقير ** ما لحق عيشة ما شاف حيات
قــــــي 58 سهل علينا الرب القدير ** درنا دولتنا و تقدمنا خطوات
فرنســـــا مــــا بقاش كثير ** ترحل من بلادنا بلــــــــى قيمات
مـــــع هذي الطريق كملنا السير ** دينا الاستقلال بعد أربعة سنوات
و في الستينات عنينا كثير ** 11 ديسمبر درنا اكبر مظهرات
متوا فيهـــــــا شهداء كثير نســاء و رجــــــــال و شبان و شابات
19 مرس 62 ربــــي جاب خير بــــان حقنـــــــا و دمرنا الطغاة
5 جويلية 1962 كان عيد كبير دينا الاستقلال و الجزائر حيات
وحنا بالفرحة بغيين نظير ** خرجين برا بالنشيد والهرجات
وحمدنـــــا المولى العزيز القدير ** كــــي فرنسا علينـــــــا مشاتس
سبع سنين حرب و تدمير ** و جيش العدو ألاحق فينا و يحرق فالغابات
دينا الحرية و عشنا بخير ** خدمنا أرضنا وجبت لينا الخيرات
مــــــا بقى لا خمـــــاس ولا فقير** و بنينا بنيان بصرعة تعلات
طورنا بلادنا وخلينا دول تغير ** و تحي يا بلاد الكفاح و البطلات
و بــــلاد اعبد القادر الأميـــــر ** صحب البرهان و الشاهدات
و خلدنا تأريخ عظيم لتذكير ** المناضلين صحاح نعطيهم التحيات
الحيين نذكر هــــــم بالخير ** و ربــــي يرحم الشهداء السادات
في جنة النعيم مع الني البشير ** المجد و الخلود لهذوا الذكريات
كذا معطوبين عشوا المصير ** هذوا لجوه يذكرونا بلي فات
نكرمهم و يستهلوا كل الخير ** حربوا الاستعمار و حقوا الرغبـــات
بقلمي 05/06/1989
kheira dhaibat