محال نبرا مل الجرح ألي دمرني
انجرت يا ناس ملي راحت الأم
من فرقها الحزن سكني و رشاني
آمري لله العالي رني مسالم
من يوم راحت لميمة رني نعاني
تعمر قلبي و سكنه الهم
خطرات نجهل ونقول بركاني
كرهت قاع الدنيا و بني يادم
رني معطوب و جرحي دخلاني
يا ربي غير آنتا ألي بيا عالم
من يوم فراقك يا لمينة بقيت وحداني
ديما نبكي عليك يا لميما و رحم
وين نسيب عطفك و حنانك يا مقواني
ما يعيا البو مشي كما الأم
كي كنت نمرض أنتي ألي تونسيني
و تحسي بيا كي نكون نتألم
تعطيني د وى وتغطيني و دفيني
من غيرك ما كان ألي عليا يخمّم
كفاش ننساك واش يصبرني
كل نهار يفوت عليا مظالم
لا حبيب لا رحيم يونسني
واش من حيات بلى آم
يا ربي ارحم ا لميمة و سامحني
و ارحم امة محمد صلى الله عليه و سلم
بقلم جلول