جدير بالهوى قلبك .. و يشرفني اعيش وياك
وفيٍ للوفا دومك .. و تملك قلبي الوافي
يا كبرك في وسط عيني و يا قدرك يا مغلاك
اذا شبهتك بعيني ترى ما ظنتي كافي
يا زينك يوم تتبسم و يا طيبك و يا محلاك
أخذت من الزهر لونك على ذاك الحلا ضافي
و تعجبني اذا تزعل و يعجبني اكون رضاك
وانا ادري حتى لو تزعل بطيبة قلبك الصافي
صغير السن لكنك كبير عندي بمعناك
وتكبر في نظر عيني و احس بقربك الدافي
خيالي دايماً يسرح احط ايدي على يمناك
ابرحل بك مع احلامي و صوت الغيث هتافي
ابخفيك بوسط روحي .. اببعد عن عيون اعداك
لزوم ظروفنا تحكم نعيش بعالم خافي
انا ما همني غيرك و لا احد يالغلا يسواك
اناني .. اناني لو بغيت تقول .. نعم في حبك انشافي
و غلاة عيونك و قلبك و روحك مستحيل انساك
انا ما اعيش من دونك و لو عانيت الاكلافي
اسيرك كان ما تدري .. اسيرك و الذي سواك
حلاة الأسر بيدينك و رمش عيونك الحافي
للشاعر الاماراتي : جمعه بن نايم
حياتي قبل تحياتي ،،