كالتلي احبك كلت حبج بكلبي سكن
كالتلي شعني الك كلتلهة كاع الوطن
كلتلي بعدي شتظن كتلهة بيج اندفن
كالتلي نور الشمس ضيع اثار الكمر
كلتلهة وجهج كمر بالظهر تارك اثر
كالتلي طيفك امس بفراشي كاعد سهر
كلتلهة طيفج علي بالصبح جاني ركض
كالتلي وجهك علي بالفكر صاير فرض
كلتلهة حبي الج كبر السماء وارض
كالتلي عينك بحر سفانة بيهة صرت
كلتلهة عينج سمةاحسب انجوم وحرت
كالتلي دربك صعب بس هم مشيت وسرت
كلتلهة دربي صعب كلة ماسي انحسب
كالتلي ليش انحسب كلتلهةشاف العجب
كالتلي شنهو السبب كلتلهة بلدي انهب
كالتلي وطنك حلو بية نهر يحضن نهر
وكالتلي حبكم طفل علفطرة صار وكبر
كلتلهة ايد النذل ماخلتلنة بشر
كالتلي ذولة البشر كلتلهة جانو قبل
كالتلي شنهو الجرة كلتلهة طار العقل
وكلتلهة طار العقل جي يمة ذبحو طفل
كالتلي عدكم فرق كلتلهة يمكن فرق
كالتلي عدكم حكم كلتلهة سد الطرق
كالتلي وكت الصبح كلتلهة عادي انسرق
كالتلي شكل الفرح كلتلهة صاير شبح
كالتلي عدكم منع كلتلهة كلشي انسمح
كالتلي شنهو انمنع كلتلهة بس الفرح
كالتلي يمتة الفرج كلتلهة يمكن بعد
كالتلي عندك صبر كلتلهة كلش صعد
كالتلي ياللاسف كلتلهة هذا وعد
كالتلي عندك كلب شايل هموم اشكثر
كلتلهة من السهر بجينة حتى الفجر
القدر ليلة وتمريومية عندي قدر
كالتلي اخذنة الحجي نسانة درب العشك
كلتلهة انة منحب مدفع عليج ويطك
كالتلي ارد اسالك كلتلهة اجاوب صدك
كالتلي كاع الوطن وصفت حبي الك
وكالتلي حب الوطن وشيعني ارداسالك
كلتلهة حب الوطن لاعب بكلبي فلك