ربي يا خالقي تلطف بينا
و بعد علينا هذا المرض الشين
و لا تحفينا على فعليتا
الكورونة رها ديرا حالة فالسين
يا ربي نجينا و بعدها علينا
وترحم جميع الموتى المسلمين
الله يجعل خاتمتينا تكون زينا
و أعطيتا الصحة ما دمنا حيين
خلي لينا ركبة و عينينا
و ارحمنا برحمتك يا ارحم الرحمين
ما نغبن حد ما يغبنا
و أرزقنا برضاك و رضا الولدين
الموت سترة ولا حيات الغبينة
اخفضن بلادنا و شفي المصبين
رنا مهنيين الله يدون علينا
الحمد لله يا رب العلمين
ألجية من عمدك نتحملها بسيف علينا
و الله يهدي الناس الغلطين
من فعالهم ربي غضب علينا
و الهرب غير ليك ما عندا وينا
يا الله خلي لينا لعقل و ككينا
و فكرنا بالغفلة و يوم الدين
أما الدنيا فنيا ما دوم لينا
أخرتها قاع منها رحليـــن
الموت غير خيا الي كاينا
لكان دوم لا دام للأولين
و خاتم الأنبياء محمد نبينا
الي فضله ربي على العلمين
في يوم القيامة يشفع فينا
و يدخلنا للجنة مع الصلحين
آمين يا رب العلمين
بقلمي خيرة
موضوع: يا ربي يا خالقي تلطف بينا 
الخميس 20 فبراير 2020, 00:08
