صبحان الله العظيم القهار

صبحان الله العظيم القهار
الموت ولآت شافيا عند العديا ن
عمري ما ننسى هذا النهار
مات فيه رئس الأركان
حليت تلفاز صباح نسمع الأخبار
حتى تشوف ناس محتفلين في هذي لشان
قناة البر بر يا ستار
فرحين ويقولوا رانا انتصرنا الآن
من بعد قلبت في قناة النهار
حتى نقرا الفريق احمد القائد الأركان
في ذمت الله وهذا ألي صار
ربي برحمه و تدخيله جنة رضوان
مع الصديقين و الشهداء الأبرار
و تتمنوا ألأهله الصبر و سلوان
الموت لبد منها لا يغرنا غرار
على الأقل تحترموا هذا الإنسان
جنودي الحر ألي حارب الاستعمار
و حافظ على بلاده بالصدق و الإمان
حتى حسن الخاتمة كانت خيار
و تستهل نبكيك يا بطل الشجعان
عشر شهر حراك حتى شي ماصار
هذا التأريخ هو البرهان
ما غبنتنا ما درت علينا حصار
وصلت الآمنة لملهية و رقد فالامان
و يشهدوا لك كبار وصغار
نعزي نفسي و الجزائريين في كل مكان
فالداخل و الخارج غيبيين و حظار
أخرتها قاع مشين الهذيك الدار و ثم تتخلص وصح يبان
أحفظنا يا حفيظ يا ستار
من ذو القوم رسنهم خشان
نصيين الموت و طيرين مع لطيار
غويتهم المدة و عميهم الشيطان
ولي طار ينزل مهما طار
والي سمن يهزل مهما كان
بركات من البلتيك وتكثار
بلادا رهي قاع خير من البلدان
رنا عايشين فالأمن و الاستقرار
الله يهدي ألي راه غلطان
حاسب روحه نشان و هو يشعل فالنار
الخير مدفق عليه و مشي قنعان
وين بغيين توسلوا يا هذوا لشرار
بعدما درنا رئسنا و دمرنا العديان
حرام علينا نخلوا بلادنا تنهار
أمنا خلوها الابطال الشجعا ن
لازم نحا فضوا عليها حتى تفنا لعمار
ربي يرحمك يا رئس الأركان
و المجد و الخلود لشهدانا الأحرار
وتحيى الجزائر أم الأبطال الشجعاتعق