لبسين الحائك و رفدين الريا
بنات بلادي يا الجزائريات
خرجوا للشارع طلبين الإجبية
الله يبارك صغرات و كبرات
خلوا دولة بلادنا زاهية
حائك أمهاتنا و جدتنا و المجهدات
هذا الجو فكرنا بذكريات غالية
و زاد فرحتنا و دعوى حلات
هذا اليوم ولا خمسة جويلية
من دينا الاستقلال فلستينات
ما ننساك يا هذي الذكرى الغاليا
حربنا الاستعمار و بلادنا هنات
الله يرحم الشهداء ألي جبوا الحرية
الله يعطيكم الصحة يا الجزائريات
زهيتوا عرسنا و مثلتوا غيا
متحدين على النضال و تضحيات
نساء ورجال عندهم روح وطنية
قلوا لازم التغيير عشرين عام بركات
ارحلوا و سدوا علينا ما تقعدوا ش هنيا
شوفوا و سمعوا الشعب الجزائر فالمسرات
يا الله يجيب السلم و الهدايا
حيرنا العالم و خليناه يهات
خمسة و خمس علينا و يحفظنا من بلية
الله ينصر بلادنا و يسلكها من الفجعات
لا و ألف لا للعهد الخمسة يا أو يحي
يا رئيس بوتفليقة بركاك من العهدات
ارحل و خلي مكنتك نقية
ما بقى لكمش قد ألي فت
قعد ترتاح في الأيام الباقية
الجزائ ر بلادنا عزيزة علينا و غالية
ما نقبل برني يداخل فينا هيهات
خلونا ندبرو ا رسانا رانا غيا
شعب الجائر أملف يصنع المعجزات
واراكم وراكم حتى للنهاية
باش نولي الرول هيهات ودنيا فنات
ربي يخلف على شجرة كي تحيى
ما يخلف على قطعها يا المخلفات
ا بقلمي خيرة 08/03/2019