[نطلب ربـي يـــا ولدي يفرج عليــــــك
وعلى المحبسين الي معـــاك
و نتحمل القدرة الي تقدرت عليك
شحال من مرة وصيتاك
و قلنا لك يــا ولدي خطيــــك
من سهرات الليل بركـــاك
و الخلطــــة الفاسدة تعديك
و توصلك للمصائب و الهلاك
لكـــان خذيت الرأي ولديك
مـــا كـــان يسرا لك هاك
تبعت الغلطين لعبوا بيك
شوف اليــــوم وين رآك
محبوس و تبلعوا البيبــان عليك
يجعل ربــي يجيب سلاك
وخليت لميمه تبكـــي عليك
يا عين وحدة مستحيل ننساك
ليل معى نهــار نفكر فيــك
و تقول يا ولدي واش داك
والله عيب وعر عليـــك
و علاه يا ولدي درت هاك
ولديك دائما يوصوا فيـــك
و قلوا لك هـــا بلاك
مـــن تلف الرأي خطيبـــك
جميع الي حرمها ربي هلاك
والقدرة تروح ليها و لا دجيــــك
و انتا يا ولدي واش خلاك
ضر نفســـك و تغبن ولديـــــك
والله يا كبدي توحشنا ك
و مــتا ناش صبرين عليــــك
و نترجى يوم رجوعك و لقاك
تولي لينا بعد غيابك ونفرح بيــــك
مهما كان رآنا وقفين معاك
ربي جعلها لك عبرة باش توريـــك
و ها بالك بلاك تعاودها بلاك
تتفا كر كي كنــــا نواصيــك
وعلى خرجا الطريق نهيناك
يقولوا دير رأي الي بكيـــك
ولي يضحك لك يغر بيك و يهداك
حاصل والله مـــا يسال عليــــك
بقلمي الجدة خيرة 10/12/2018