منتديات الوفاء
مرحبا بك يا زائر في منتديات الوفاء للافادة و الاستفادة ، ان كنت عضو ننتظر دخولك، و ان كنت زائر فقط فنتمنى أن تشارك معنا

منتديات الوفاء

منتديات الوفاء للمواضيع و البرامج و الاسلاميات و التقنيات و الميلتيمديا
 
مكتبة الصورالرئيسيةالتسجيلدخول

شاطر | 
 

 ما يحس بالمرض غير ملاه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
fatiha3fr
عضو(ة)
عضو(ة)


عدد الرسائل : 474
العمر : 67
تاريخ التسجيل : 27/02/2008

مُساهمةموضوع: ما يحس بالمرض غير ملاه   الأحد 20 أبريل 2014, 23:55

ما يحس بالمرض غير ملاه
         لا حنين و لا محرور الكبدة
كل  واحد  يحس   بضره وحده
        لا  بو  لا أم  لحنينه لا جدة
يجعل ربي يكون  معاه
               يتعذب و يشوف  ليالي سوده
حتـــى وحد مــــا يشد مكانــــه
            رني مريض معطوب مشتاق رقدة
  العالم  بيا  غير الله صبحنه
             نبات نتوجع وندور وناس راقدة
لا حبيب لا حنين حديا نلقاه
                النار شعلة فيا وفراشي باردة
 فالضيق  حتى وحد ما  صبته
             لي يرقب عليا قي  وقت الشدة
وما   فتسع ما كان  علاه
               ألي يبكيني  في  هدي المدة
ومن موت  و تطفر  علاه
           طاحت صحتي ما بقات فيا فائدة
وضري غير يزيد ما ألقيت دواه
         نبات نبكي ودمعتي على  المخدة
طاب فلبي ورشا  يا مقواه
              ضاقت عليا وكرهت الوحدة
قلت نخرج   شويا  مرضي ننساه  
                 حرت  ما عرفت  وين نغدا
بقيت نبكي ونتشفع لله
         قلوب الناس  شينت  ولت  سوده
الأخوة   كانت بكري  يا حسراه
          كل شيء تبدل و لهاتهم   المدة
الإنسان يتبع الفاني و خوه  ينساه
           وين  جماعتنا  و ديك القعدة
واش  نقوله  ونكل عليه الله
              بلاك يندم وتنقره الشاهدة
انأ خوه الوحيد  يعدني وعلاه
          ما تلقينا ما  تشوفنا  هدي مدة
نتمنى ليك يا خويا يهديك الله
         يا  ربي تهدينا  و فكرنا  بشهادة
و الحمد الله يا ربي و ستخفر الله
              سمحنا  وسلكنا من قائلة غدا
ولا الله إلى الله محمد رسول الله


كاين لي يتفكر الشهادة غير ليلة الرعدة
ما حسب   للقادم  واش راه  يستناه
             يا و يحنا  من يوم  الصداة
واش يسلكنا من بعضنا قدام الله
          ما كان هروب ولا  شردة
كل واحد يتحاسب وحده لا حد معاه
 يا ربي نجينا  من جهنم والنار الساهدة
و  الهروب غير عندك يا رسول الله
              آمتك  تحتاج  يا النبي محمده
يا سعد لي عزه ربي ورضاه
         في يوم لي  نجوك طالبة النجدة
والله ينعل الشيطان لي عصا موله
         حقد على بنادم وما  خلاه يهدا
زها  فالدنيا  و شيطان  عماه
              ما يفلح ما  يشوف الهدى
شد نفسه يا إنسان  وما  تبع هواه
        أخرتنا  قاع ليها الموت وحدة

                                       بقلم أخي  جلول  في يوم  15/04/2014
الرجوع الى أعلى الصفحة اذهب الى الأسفل
 
ما يحس بالمرض غير ملاه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الوفاء :: الوفاء الثقافي و العلمي :: أدبيات :: أدب و شعر-
انتقل الى: