جرحي دخلاني

جرحي دخلانـــي ورنــــي بيـــه نعانـــــي
و كثروا  أحزاني   يا وعدي مقوانــــــي
 عدتنـــي  فميلتي و زادوا  خـــاوتــــي
و شوفوا ألحلتــــي   كـــــــي رانـــــــي
كثـــرت لعداوة و مــــا بقــــات خــــــاوة
و قاع   رانا   سوا  و ما نيش  وحداني
الإنسان ولا ينكر خوه و يعادي أمه و بوه
تبهدلنا وتلفت لوجوه   على جال لفانــــي
المرء  تعادي  أختهــــا أمهــــا  وجداتهــــــا
عمتهــــا وخلتهـــــا  مــــا نظلم  البرانــــى
مقوا  ما  المرض يقوا  و يقتـــــل بالقـــوة
والقلب نكوا مليه دوى و الجرح   دخلانـــي
ألي حسبتهم  زينين   خرجونا عدوين  خداعين
ردوني  أنـــــا  شيــن  و استشفوا عديانــــي
يقلوا الكبد مــــــــا ينبت فيهــــــــا عظــــــم
بصح اليوم سكنها الهم ونبت فيها العظــــم
و شفـــــا  الدم    و شفته بــأعيــانـــــي
الله  يهديهــــم ويهدينــا  ونسمحوا ألبعدينــــا
الواحد يقول كلمة زينة    و يبقى  هانــــي
إنشاء  تولي  بناتنا  الحبة و تزينا  العقبـة
و لي  عدانا  بلا سبــة ما تحفيه   ثانــــي
بالك يهديه  الله  و يتوب بعد عمــــــاه
ويقــــــول   يـــــــا الله  واش عمانـــــي
ولي ذاق الهم وشافه يحسن عون مثلــــه
و لي يقول صح  يقوله   نشان بلا  المعانـي
وكل وحد ربي يخلصه على حساب قلبه
و لـــي بغى وحده   حتى يموت  وحداني
يا  الله فكرنا  بالشهادة  في يــــــم الشدة
قاع  نموت و نغدا ( وكل من عليها فاني )


بقلمي    ش/خ يوم  02/02/1014