موهيبة

مهيبــــة  رزقني  بيها ربي العلــــي
                  ما قريت عليها ما علمهالي  ناس
 لا ولديا لاعمومي ولا خوالي
                      ربي وهبنـــــي  و عندي  فراس
صنعة مليحة وخسرت عليها   مالــــي
                       أنا  إنسان بسيط  عايش لبــــاس
تعبت  بزاف وسهرت  ليالــــي
                 رقادي  قليل غير نقصر نعـــــاس
و نوذ بكري نتوضأ  و روح  أنصالي
                 صلاتــــــي و ديني هم  ســـــاس
باش ربي  يباركلي في عمالي
                        و الجامع مــــا  نخطيه خلاص          
 نمشي نشان نصلي  و نوالي
         نلتها بشغلي مـــا نديها فنـــــاس
نشري سلعـــة   بسوم الغالــــي
          نخدم  خدمتي  وحدي ملي ونـــاس
نحمد ربي ونشكره  مهما  يسرا لي
           نتعب وحدي   ما  ردت  تهواس
نكسب بعرق جبيني ورزقي حلالي
            ما   نغلط  ما يغرني وسواس
بذراعي قايم  داري وعيالي
                 ما ننخس ما  نشتكي  للناس    
نحمد ربي العلي كي  وفالي
        ألي كان  في  بالـــي وكنت حساس
         و ألي تمنيته سنين نبني ونعلي
                              ملي  بديت وحفرت الساس
بغيت  نواري   صنعت يدي وحالي
                                   نشرف أهلي و بلادي بالعبـــــاس  
نتهنا  ونرتح والنوم يحلى لي
                                  ونرقد علـــى كفاية ونشبع نعاس

                                                        بقلمي 06/01/2014