شعر شعبي

هذا الوقت شين

هذا وقت شين رحنـــا فيـــــــــه
غير يتوفى بنادم ينسوه فالحيـــــن
يــــــا ويح اللـــــي جئت فيـــــــه
وينك يــــــا منحور الكبد ويـــــن
الأســـــان يموت لا حد يبكيـــــه
قست القلوب مـــا بقا حنيــــــــن
لا مــن البرانى لا من لي ليــــه
الميت قدامهـــــم وهم شيخيـــــن
وحدين منا و الآخرين من هيـــه
واش كسب وواش خلى للوارثين
نتقو الله يــــــــــــا الهادريــــــــن
الموت كينــــا والخلاص لهيــــه
وحنــــــا قـــــاع لحقـــــــــــــــن
لوكان نملك العالم بعصريــــــــه
ولله منـــــا فيها دايميــــــــــــــن
والشيطان الله ينعله ويخزيـــــه
ديروا كمامة عى فمكم وبقوا ساكتين
هذا موت مشي عرس راكم فيــــه
وعلاه ما تحكموا فمكم يا مخلقين
محمد نبينا و نصالوا عليـــــــه
وحنا ثاني كمــــــــــا لوليــــــن
روحوا ونخالوا المركب لمليه
دير الخير في حياتك وعليه حارب
قد مــــا تقدر حافظ عليـــــــــه
هذا زمان غدار والشيطان يلعب
ولـــــــي العب بيه طفرت فيـــــه
واربح ملاحتك و كـــــــون راتب
والعيب كــــــل يوم تليــــــــــــه
وقادر الناس وديــــــر الواجــــب
وقدرك عمرك مـــا تطّيح بيــــــه
و حافظ على صلاتك لهيا عمود الدين
وفرض ربي عمرك ما تفرط فيــــه
وصلــــي وركع مــــــع الراكعيـــــن
مــــا دير ذنب ما تتحاسب عليــــــه
مـــا ينفوك لا أولاد ولا ملييـــــــن
ترحــل منها وكل شيء تخليـــــــــه
مـا غير أعمالك صالحين و الواجب
ينفعوك وتلقاهـــم قدامك لهيــــــــــه
وإذا فرطت فيهـــم عليهم تتحــــاسب
شد لسانك يـــا بنادم وتحكم فيــــــــــه
و شد عصبك وكـــــون رزيـــــــــــن
ولــــي دار فيك الشر لا تحفيـــــــــه
و النمــــــام و الوجــــه متساوييـــــن
و الخائن لا رحمة ربــي لا خير فيــه
و المنفقـــيــن إخوان الشياطيـــــــــن
و اللــــي من هذا النوع غير خطيــــه
وذا تصحب تصاحب النــاس الديــــــن
واللـــــي حذرك ونهاك تصنت ليــــــه
ولي نضلك من رحبة نضله من رحبتين
و مول الخيمة الكبيرة الكبرى تكبر فيه

بقلمي