1- هدا واحد السيد سول الامام كالو الى كنت كانصلي او خرج لي سبع اش ندير واش نكمل على الصلاة اولا نهرب كالو الامام الى بقيتي شاد الوضوء غير كمل عليها
2-هدا واحد الحمار كايتسارا فالغابة شوي او هو ابان ليه سبع الحمار فاش بغى يهرب ضرب رجلو اللاورانية للارض السبع رجع شوي اللاور الحمار كال السبع خاف مني عاود تاني ضرب رجلو للارض او السبع عاود رجع تاني او الحمار هو يولي غادي يضرب رجلو للارض او السبع راجع واحد الشوية الحمار شاف جنابو لقى بزاف ديال السبوعة او كاي ضحكو كانو لاعبين الكارطة او حكمو على هداك السبع اجيب ليهم حمار حي
3-هدي واحد المسابقة ديال احسن شواف زعمة كاي شوف بزاف فيها مغربي او فرنسي او صيني الفرنسي كاليهم انا كانشوف واحد الراجل طالع لبرج ايفل لابس تريكو اخضر هدرو لفرنسا لقاو الهدرة صحيحة الصيني كاليهم انا كانشوف واحد كالس فوق الصور العضيم لقاو الهدرة صحيحة المغربي هز راسو كاليهم سروالي متقوب من اللور /// الكرة الارضية دائرية زعما الشوف ديالو دار الكرة الارضية او شاف سروالو متقوب///
4-هدا واحد الولد ديما يسمع الدراري كاي كولو راه فالخارج الناس كاي جمعوا الفلوس من الطريق او هو ادبر على فيزا باش يمشي الخارج فاش خرج من المطار شاف فالارض لقى بزطام عامر اورو او هو يركلو او كال بدينا او مازال ما كلنا تا بسم الله
5-واحد الولد ديما فاش كاي دخل للدار كاتكولو الواليدة ديالو عشاك راه فالبراد كل مرة عشاك فالبراد حتى طلعات لو الدنيا فالراس واحد النهار دخل كالت لو عشاك فالكوكوت الدري فرح ما كداتو فرحة او هو احط الكوكوت فوق البوطة باش اسخنها او كلس اساين فيها تسخن فرحان ملي خوى الكوكوت فوق الطبسيل تلاح ليه فرع ديال الدلاح ولا بيض بالسخونة
6-هدا واحد بغى يحلب البقرة ديالو او ما بغاتش تزكى ليه او هو اربطها من رجليها بالصمطة ديالو او هو اطيح ليه السروال ملي دخلات مراطو او شافت البقرة مربوطة او السروال طايح كاليها واخى نحلف ليك ما غاداش تيقي فيا
7-كاليك ا سيدي هدا واحد بغا احرك لاسبانيا مشا عند واحد الفقيه او كالو نعطيك 5 ديال المليون او رجعني نحلة ملي نوصل لاسبانيا نرجع كيما كنت الفقيه رجعو نحلة او ملي غادي طاير شدو الضلام فالغابة ديال اسبانيا او بان ليه النحل داير الصف باش يدخل للخلية ديالو كال انا ملي نحلة ندخل معاهم تال الصباح او نكمل على الطريق ملي بغى يدخل معاهم وقفوا الشاف ديال النحل كالو اجي انت ماشي نحلة كالو انا نحلة او كلس يحلف ليه او هو ايكول لو الشاف الى كنتي نحلة دير لي العسل او كلس يزير فراسو باش ادير العسل ملي درباتو الفيقة لقى راسو مخسر فالفراش //كان كاي حلم//
8-هدا واحد الولد لابس مزيان داير مع الساطا ديالو طلع للطوبيس لقاه عاور بزاف او خانز او هو ابقى واقف عند الباب شوي الطوبيس وفق هز واحد المرة تا هي فيها الريحة خايبة او فمها خانز وقفات حداه او هي تسولو غين غادي بينا ا وليدي هاد الطوبيس كاليها غادي بينا لطواليت ا الواليدة
ارجوا ان تنال اعجابكم و لم انقلها كل الحقوق محفوضة هههههههههههههههههههههه
موضوع: نكت مغربية تحلى بالردود 
السبت 03 مايو 2008, 16:52
