fatiha3fr عضو(ة)
عدد الرسائل : 497 العمر : 75 تاريخ التسجيل : 27/02/2008
| موضوع: العيب ما يسواش يا إنسان الإثنين 18 أغسطس 2008, 02:54 | |
| العيب ما يسواش يا إنسان كي غاظني الجار الطيب فهذه القضية كان يطالب على حقّّّّه منضو زمـــان كـــي كسبه وقفوا له لحساد بالحميـــة وقالــــوا حتى حنا كنا فيه سكــــــــان رفعوا عليــه دعوة فهذه القضيـــــــة و قلوا عندنا عليه الشهادة و البيـان و ما هو لا رزق أباتهــــم ولا ملكيــــــــــة غير عرقلوا له مسكين وخلوه في تشطان الموت لابد منهــــا والدنيا غير بقيـــــــــة و العيب مـــــا يسواش يـــــا إنســـــــــان المليـــــــح قاع مع الناس قيمتــــه عاليــــــة والشيـــــــن كيفــــــه كــــــــي الشيطــــــــان أعوذ بلله منه ومـــــــن شــر الباليـــــــة والعيب عباية قسيفة قالوا ناس زمــــان وللـــــي لبســـــــه عراه فالدنيـــــــــــا يموت و يخرج منهــــــــا عريــــــــــــان ربي كتب عليه يموت وما يحقق المنيــــة بزاف من إنسان كـان شهقـــان وطمعــان حاسب روحــــــه يخلد ويدوم فالدنيـــــــــــــا على جــــــال الباقـــــي عمـــاه الشيطــــــــان و لـــــي عداهم ورفع عليهم القضيــــــــــة نهار ألي مات وقفوا كيفهم كــي الجيــران حلوا ليهم الدار وقمؤوا له بالعازيــــــــة و وسعوا عليهم المراح والمكــــــــــــــــــان قاموا بالواجب ومــــا حفوه بحافيــــــــــة ومول الخير والإحسان جزاه الله أجران و الناس لبعضها وعلاه الحقد و المجافية و هذوا همــا خيـــــار الناس والجيــــران ربي يخلصهم على حساب الخير و المكافية و جزأه عند الله جنـــــــــــــة عدنـــــــــــــان يا ويح ألي خلى العيب من ورآه فالدنيـــا هو مات شرعـــه مزال يتمشـــى الحد الأوان ألــي شبعان كل يوم من قلبه والدنيــــــــا ولــــي جوعـــــــان يبقى دهر جوعــــــان قاع يشبع ويحسب روحه مزال جوعـــــان والإنسـان لكـان يديــر قـــــاع جانحــــــــــان و يطير و ينزل ويدي غير ما كتب له ربي فالدنيا ولي يطاول يده علـــى رزق الناس غلطـــــــان ولي يخدم الأحر تــه وما هذه غير بقيــــــــة ويـــن الرومي مول البنيــان والمكـــــــــان بناه وعلاه و راح وخلاه وما آدا منه حتى حيـا ومـــــن ذاك العاهد خـــــــبـره ما بــــــــــــــان ويـــــــــن العسكر وحراس البلديــــــــــــــة الحياة ت تفرق و الموت تفرق يـا إنســــان ومــــا يدوم حال فــــي هذه الدنيا الخاليــــة بقلمي خيرة | |
|
newmaroc نائب المدير
عدد الرسائل : 4497 العمر : 28 تاريخ التسجيل : 19/03/2008
| موضوع: رد: العيب ما يسواش يا إنسان الإثنين 18 أغسطس 2008, 03:28 | |
| | |
|