الإمتحان الصعب
زوجي راه في حالة ما تعجب
مريص بزاف والمرض مأثر فيه
ادعوا يا ناس معايا ربي
يشوف فيه بالخير ويشقيه
رني معاه في إمتحان صعب
يجعل ربي يقدرني نقوم بيه
مدامه فالحيات نحمد الرب
رانــــي نسوا غير بيــــــه
ربــــي هو العالم والراقب
حتى شي ما يخفا عليــــــه
طاعت الزوج لازم و واجب
من وجبي نطيعه ونتهلى فيه
نحمله عل كتافــــي ونتعب
ما نقول أف ما نذيق بيـــه
تمنـــــــا غيــــر عند لعقايب
نسيب من يتهلى فيا كما تهليت فيه
و لــــــــــي كتبها ربـــــــــي تكتب
ولحم إذا فاح ما ليه غير أمليه
فــــي مرضــه شفت العجب
مشي قليل يا ما عنا بيـــــــه
ليــــــل مـــــع النهار يتعذب
و الواجع في كل وقت يقطع فيه
مـــا خلـــــــى لاطبيب لا طالب
والقراص كل وقت نعطييه
مـــــا عيى يقـــــــاوم ونغلب
طوبة وصيدليين حروا فيه
ما عيى يداوي والله غـــــــأالب
حتـــى دوا مــــا نفـــــع فيــــــــه
شفاء إلى شفاك يا شفي المستجيب
نتمنا غير يبرا والشر يبعد عليــــه
الموت عشبة مرة وحالها صعب
عدوك ومـــــا تتمنهاش ليــــــــه
و في بعض الأحيان سترة و ةوتناسب
احسن ملـــي راه يعنــــــــي بيــــــه
نحســـــــن عونـــــــــه راه يتعذب
يجعل ربي يفارج عليا وعليــــــه
وما يحس بالمشهــــــــــاب اللاهب
غبر اللـــــــي ذاقه و تكوا بيــــه
يعجله تخفاف ذنوب يــــــــا رب
غير هيا اللي كاينــا يا فقيــــــــه
ما عندنا قاع وين منهــــا نهرب
والدنيا حتى واحد ما ديمة ليـــه
ياربـــــي تسترنا مـن المصائب
والغيب غير انتا اللي تعلــــم بيه
خيرهم مــــــــن مـــــات تــــــــايب
على فراش االطاعة والأهله ديرين بيه
و تذكرنــــــا بـــــــالشهادتين يــــا ربي
واليـــوم لــــــــي نلقاك فيـــــــــــه
يليق الإنسان يحاسب نفسه قبل يحـاسب
ويبكـــــي مــــــن خشيت الله و تعذبيــــــه
دير الخير في عمرك وعليــــــــه حــــارب
اربح ملاحتك مع الناس والعيب تليــــــه
مـــــا ينفعـــك لا خـــــــــو ولا صاحب
يا ويح لي جـــــــــــــات فيـــــــــــــــه
ولي يقطع صيلة الرحيـــــم والأقارب
لا رحمــــــــــــة ربــــــــي لا خير فيــــــه
عليهـــــــــا يتحاسب و يتعاقب
وربي عمره ما يشفع فيه
بقلمي خيرة